Orientalstudies.az

Rəqəmsal transformasiya dövründə şərqşünaslıq: ənənəvi tədqiqat modellərindən rəqəmsal humanitar tədqiqatlara keçid AMEA-nın akademik Ziya Bünyadov adına Şərqşünaslıq İnstitutunun direktor müavini, fəlsəfə üzrə fəlsəfə doktoru, dosent Elnur Mustafayev Birinci Türkoloji Qurultayın 100 illik yubileyinə həsr olunmuş Türk Dünyası Həftəsi Forumu çərçivəsində AMEA-nın Rəyasət Heyətində keçirilən "Rəqəmsal Türkologiya" panelində "Rəqəmsal transformasiya dövründə şərqşünaslıq: ənənəvi tədqiqat modellərindən rəqəmsal humanitar tədqiqatlara keçid" adlı məruzə ilə çıxış edib.

Şərqşünas alim “Birinci Türkoloji Qurultayın 100 illiyi (1926–2026)” xatirə nişanı ilə təltif edilib İyunun 30-da “Türk Dünyası Həftəsi” çərçivəsində Azərbaycan Milli Elmlər Akademiyasında “Birinci Türkoloji Qurultay: yüz ilin elmi və mədəni irsi” mövzusunda beynəlxalq elmi konfrans keçirilib. Tədbir Mədəniyyət Nazirliyi, Azərbaycan Milli Elmlər Akademiyası, Elm və Təhsil Nazirliyinin birgə təşkilatçılığı, Türk Dövlətləri Təşkilatı, TÜRKSOY, Bakı Dövlət Universiteti, Beynəlxalq Türk Akademiyası, Türk Mədəniyyəti və İrsi Fondunun tərəfdaşlığı ilə gerçəkləşib.

Komitə sədri şərqşünas alimi təbrik edib Dini Qurumlarla İş üzrə Dövlət Komitəsinin sədri Ramin Məmmədov AMEA-nın akademik Ziya Bünyadov adına Şərqşünaslıq İnstitutunun direktor müavini, institutun Din və ictimai fikir şöbəsinin müdiri, fəlsəfə üzrə fəlsəfə doktoru, dosent Elnur Mustafayevə doğum günü münasibətilə təbrik məktubu göndərib. Komitə sədri Elnur Mustafayevin Şərqşünaslıq İnstitutunda fəaliyyətini yüksək qiymətləndirib.

Şərqşünaslıq İnstitutunun əməkdaşları Səudiyyə Ərəbistanında Dil təkmilləşdirmə proqramında iştirak ediblər AMEA-nın akademik Ziya Bünyadov adına Şərqşünaslıq İnstitutunun Ərəb filologiyası şöbəsinin böyük elmi işçisi, filologiya üzrə fəlsəfə doktoru Şahanə Şahbazova və Ərəb ölkələri tarixi və iqtisadiyyatı şöbəsinin əməkdaşı Günay Əliyeva Səudiyyə Ərəbistanı Krallığında Ərəb dili və mədəniyyəti üzrə Kral Salman Qlobal Ərəb Dili Akademiyasının 26 aprel-18 iyun 2026-cı il tarixlərində həyata keçirdiyi Dil təkmilləşdirmə proqramında iştirak ediblər. Proqram ərəb dili, Səudiyyə mədəniyyəti və ləhcəsinin təbliği istiqamətində dərslər və gəzintilər vasitəsilə təşkil olunaraq dilin təkmilləşdirilməsi və dilin daşıyıcıları ilə birbaşa ünsiyyətin yaradılmasına xidmət edib.

Şərqşünaslıq İnstitutunun əməkdaşı elmi seminarda məruzə edib İyunun 16-da Azərbaycan Respublikası Elm və Təhsil Nazirliyi Fizika İnstitutu PHŞ-də Azərbaycan Respublikası Prezidenti tərəfindən təsdiq edilmiş “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”nın icrası ilə əlaqədar olaraq seminar təşkil olunub. Seminarı giriş sözü ilə institutun Həmkarlar İttifaqı Komitəsinin sədri, fizika üzrə fəlsəfə doktoru Sitarə Bağırova açıb və müzakirə olunan elmi mövzunu seminar iştirakçılarının diqqətinə çatdırdıqdan sonra sözü məruzəçiyə verib.