Məruzədə Şərq-Qərb cəmiyyətlərarası fərqli yaşam tərzi və dünyagörüşlərin yaratdığı uçurumların ərəb ədəbiyyatında işıqlandırılması məsələlərinə toxunulub. Eləcə də, müasir qloballaşan dünyada mədəniyyətlər, dinlərarası dialoqun əhəmiyyəti vurğulanıb.
Şərqşünaslıq İnstitutunun əməkdaşı Beynəlxalq Qara Dəniz Elmi Konfransında çıxış edib
AMEA-nın akademik Z.Bünyadov adına Şərqşünaslıq İnstitutunun Ərəb filologiyası şöbəsinin müdiri, filologiya üzrə fəlsəfə doktoru, dosent Xumar Ələkbərova Türkiyədə keçirilən Beynəlxalq Qara Dəniz Müasir Elmi Araşdırmalar Konfransında iştirak edib.
29 sentyabr-2 oktyabr tarixlərində Rizədə təşkil edilən konfransda şərqşünas alimin “Müasir Misir ədəbiyyatında Şərq-Qərb fərqli yaşam və düşüncə tərzi məsələlərinin işıqlandırılması” mövzusunda məruzəsi dinlənilib.