Fərda Əsədov konfransda “Azərbaycan Demokratik Respublikasının liderlərinin məktublarında (1920-1922-ci illər) bolşevik hakimiyyətinin imperiya təbiəti haqqında” mövzusunda məruzə edib. Şərqşünas alim məruzəsində Azərbaycan Demokratik Respublikasının liderlərinin məktublarından bəhs edərək, Respublikanın banisi M.Ə.Rəsulzadənin Stalinə olan məktubundan ətraflı danışıb.
Gülər Qafqazlı “Orta əsrlər Osmanlı arxiv materialları əsasında İrəvanın qısa tarixçəsi" mövzusunda məruzə edib. G.Qafqazlı İrəvan sözünün etimologiyası, Osmanlı arxiv materialları və mənbələrində İrəvanın Azərbaycana mənsubluğu, toponimikası, əhalisi və s. haqqında məlumat verib. Məruzəçi eyni zamanda ermənilərin yanlış fikirlərini də ifşa edib.
ŞƏRQŞÜNASLIQ İNSTİTUTUNUN ƏMƏKDAŞLARI BEYNƏLXALQ KONFRANSDA MƏRUZƏ EDİBLƏR
Oktyabrın 19-da Ukrayna və Azərbaycan arasında diplomatik münasibətlərin qurulmasının 100 illik yubileyinə həsr olunmuş “Ukrayna-Azərbaycan: mədəniyyətlər və sivilizasiyaların dialoqu” mövzusunda beynəlxalq elmi konfrans keçirilib.
Onlayn təşkil edilən konfransda AMEA-nın akademik Ziya Bünyadov adına Şərqşünaslıq İnstitutunun əməkdaşları – Ərəb ölkələri tarixi və iqtisadiyyatı şöbəsinin müdiri, t.ü.f.d. Fərda Əsədov və Beynəlxalq əlaqələr şöbəsinin müdiri, t.ü.f.d. Gülər Qafqazlı iştirak ediblər.