Akademik Azərbaycan Respublikası Prezidentinin “Dünya bu gün: Çağırışlar və ümidlər” mövzusunda X Qlobal Bakı Forumunun açılış mərasimində çıxışına diqqət çəkərək deyib: “Dövlətimizin başçısı çıxışının əvvəlində Nizami Gəncəvi Beynəlxalq Mərkəzin fəaliyyətindən danışdı. O, dahi Azərbaycan şairi Nizami Gəncəvinin adını daşıdığı Mərkəzə şairin xatirəsinə və irsinə olan dərin hörmətinə görə təşəkkürünü bildirdi. Prezident çıxışında “Nizami Gəncəvi Azərbaycanın qədim şəhərlərindən olan özünün doğma Gəncə şəhərində dünyaya göz açıb, yaşayıb, orada vəfat edib və dəfn olunub. Onun müdrikliyi və istedadı Azərbaycan xalqının istedadını və müdrikliyini təcəssüm etdirir”, - deyə vurğuladı.
Düşünürəm ki, Azərbaycan Prezidentinin bu sözləri dahi Nizami Gəncəvinin şəxsiyyətini və yaradıcılığını mənimsəmək istəyənlərə ən gözəl və tutarlı cavabdır”.